【識食之人】
味道9/10
服務7/10
價錢8/10
一條塞車既道路，一個歸Home似箭既司機。
一個陌生來電,一個谷友。。。陰差陽錯。。。走上胃部往生之路T.T
兜兜轉轉~谷友帶左我去中環拉麵店,走入舖内，環境昏暗,場上貼左大量啤酒廣告同手寫日文餐牌,店中充滿居酒屋感覺。
芥辣八爪魚,芥辣並非牙膏芥辣，放入口先有一下衝擊,再來品嘗到芥辣既清甜味道,八爪魚彈牙爽口,如果大粒d會更好。
燒牛脷,背面界花,燒出黎效果尚可,略欠香味,質感尚軟滑,配上芥辣沙律醬中和番,尚有進步空間。
No. 1拉麵,一開波先試湯頭,豬骨味濃，口感帶膠質,而且特別在唔覺油膩,呢個湯頭正！
配料豐富,叉燒經微微燒過,聞到有一陣淡淡燒肉香味,肥瘦梅花間竹,咬落爽口又帶出一陣油香,麵身掛湯能力高,我選擇普通硬度,口感清爽彈牙,紫菜雖然浸住湯,但並無因而變成紙皮口感,略嫌糖心蛋糖心程度唔夠,蛋黃味道唔錯！
最後成碗湯比我Ko左~你話得唔得？
中環 長浜NO.1拉麵
Search